隨筆手記： 投資是一場修行之旅

 隨筆手記： 投資是一場修行之旅

講真，我明白，

投資真係一件唔係易事。

前幾年順風順水，

牛市個個都係股神，大把十倍股專家。

連用 2% 注碼買隻升十倍的人都會自稱十倍股專家，周圍開Live 去做演講。

但係四五年過去，

成個回報連三倍都無，

到底咩叫十倍股專家？

真係一個「靈魂拷問」。

只係股市有升跌，市場有風險。

到左跌市一班「牛市股神」就會唔見左。

或者甘講跌市就好似「照妖鏡」，

所有野都係原形畢露，

憑運氣取得的回報，也會憑實力賠出去。

我都明，

我都理解，

今年投資唔易，

今年唔易玩，講緊

今年SPY YTD： - 18.57% 

今年QQQ YTD： - 29.99% 

今年2800 YTD： - 36.15%

今年輸錢係可理解，

也不應該妖魔化。

但係差的牌先要俾心機打，

唔係講，

今年打輸左牌就四圍俾藉口自己，

或者，

怪東怪西，人貴自知，

尊重下人，都尊重下自己，

牌品好，人品自然會好，

數簿從來都係用腦去睇，

下下先入為主去睇，點會搵到 投資機會，輸錢就係自然的事。

係輸錢的時候，

應該諗下邊個位做錯決定，點樣去做改善。

正如英SIr 成日講 ：在世界上某個角落，總有一個牛市在進行，只在於你是否找得到！

唔理 你Buy 唔 Buy 英Sir，

至少佢的風骨 係好值得欣賞，做人老實，承認犯錯的人，最緊要係 識得自省。

唔會輸左錢就 怪東怪西，

或者 輸左錢就 Delete Record ，同人講「我無輸錢。」

利申： 

- 我唔係一個投資專家。

- 我唔係會用 「專家」或者 「Title 」去包裝自己的人。

- 事實上，我從來都唔會甘做。

- 我只係一個散戶。

- 最多，我只係一個努力不懈的散戶。

- 今年我都發生操作錯誤，由高位大幅回落，但係我會知點去做改善。

- 好彩的是，今年仲係跑勝大市。

- 跌市，從來都係現金流投資者的天堂，我會好好把握機會，冷靜打牌。

- 「致 現金流投資者，我地要努力地數錢」。

-  (用業績去做比較，會除去 入錢 出錢 的Factor 。)

- （IB 的業績 做唔到數，唔會輸左錢，就好似Excel Delete 就當無發生過。）