隨筆手稿 - 19 June 2020 - IB退稅、黃金、加密貨幣、長實、領展、RQI
小矮人：
美國收息產品最煩係Withholding tax的問題，你先要查佢係咪會收，然後就算佢會退但劵商會唔會自動退俾你，唔自動退俾你即係要自己哂錢哂時間去搞退稅，就算自動退既咁佢Hold左既稅其實都有個機會成本係到？
可以的話可唔可以講下實際上入面提到個5隻CEF IB退到幾多稅同埋幾時退到?
黃金個邊有D唔認同，而家既黃金與其話對沖股市不如話係對沖對所有現行貨幣風險，呢方面除左其他國際商品外無其他投資物做到
（油係一隻，不過直接投資油好難做到。Cryptocurrency就太多隻同埋太Volatile同唔夠Track Record），
因為現行股票債劵同埋房地產背後都有國家貨幣的因素。
所以雖然話佢有機會成本係到，但買少少分散下唔係壞事吧，由其係而家呢個接近零息既時候(唔開槓既話)。
想問下長期升值、定期收息、高穩定性、跌市時急升的對沖良物係咩？
Kano：
US 的稅務應該是全世界最難處理的一件事。
股息一律30%，債就免息，優先股要視乎類別，要查一下它的發行文件。
劵商上，大部分的劵商也會代勞，當然各個處理手法不一，我很難去答。
在退稅上，IB 應該是 一眾證券商中做得最差。（近一年有明顯改進。）
（在 CHIEF 買入PTY 會不收稅，該事得到多名Bro 證實）
CEF 的退稅會比較特別，要按基金所提供的資料作退稅，每年也不一樣。
加上證券商的退稅操作，真的很難說出確切的數字，所以我會視退稅為Bonus。
如果想參考退稅的話，可去 醫師的文章 參考一下。
如果成功退稅，IB 會在 3月左右退回。
（IB 是在進步中的！退的種類上升中！）
另外，關於「貨幣風險」上，我對黃金一直持「保留」的想法。
因為你提及的「貨幣風險」是 「貨幣不再生效」 或是「全球貨幣眨值」。
如果「貨幣不再生效」，然後退回「原始貨幣」，我相信要全球發生的可能性很低。
因為「黃金」只是傳統的智慧，現今的生活對黃金的需求不多，加上分割交易因難。
我認為難以提供「貨幣的功能」，如果不幸發生戰亂，我相信午餐肉會比黃金更加吸引。
如果 「全球貨幣眨值」，持有「資產」應該是最佳的處理手法，只因「錢」不再「值錢」。
「Cryptocurrency」更加難做成保值的功用，它榮登我心中最差的對沖工具，
因為加密貨幣的「成立」在於「各國」放棄「貨幣的發行權」及「貨幣政策」
也在於「全球公民」放棄手中資產的「傳統計價」，加上一眾投機者持有「現成的加密貨幣」
利益完全歸邊，這是不可能取代「現成的貨幣」。
所以我是十分反對「加密貨幣」的「投機」。
另外，在零息的時代，你會不開槓嗎？所以投資「黃金」的決定就必定有「機會成本」
「分散」也不是為了「分散而分散」。你明白的。
加上，我們的選項中有「國債」這種長期升值、定期收息、高穩定性、跌市時急升的對沖良物
Peggy:
識得玩.....咁1113呢？
Kano:
第一，不要做鉅仔的交易對手，他的數口十分強勁。
第二，注意1113 的玩法，是走向「多元化」及「強勁現金流」，防守不斷上升。
所以我十分認同，1113 是最「捱得」的公司。
事實上，這幾個月我一直開 1113 的SP。
如果你細心研究鉅仔系的動向及結構，你會找到買入 1113 的理由。
LINK 仔：
2個討論 :
1. 如果一個reit有母公司，對我來說是負擔，其一是要義無反顧接收母公司資產，可以是好資產但也可能是豬頭骨，其二是要聽命母公司指揮，公司利益依歸在母公司，並非reit持有人
2. 向外發展有政治風險，如中國與物業所在國家有重大衝突，近期例子是中美翻檯一拍二散。
Kano：
Link 仔的討論十分有意思，也是我早前思考過的題目，我也在該文中有詳細的回應。
十分值得REIT 投資者思考的題目。
我也是 研究 星州 及 美國 不少的REIT 後，方再一次發現 823 的 潛力、吸引力。
加上最近龍仔的發言，823 今年的收購除了 英國物業外，還有其他的玩具，更可能進軍物流。
（佢買物流之時，Kano 會沽出BUOU 轉入 823 ）
容我引用 Link 仔的名言 ： 823 可增持、可減持、但絕不清倉
RESINALAG：
https://seekingalpha.com/article/4352655-why-you-shouldnt-buy-rqi
有人係SEEKINGAPLHA 寫左篇野批評RQI, 你點睇?
我覺得第1點已經唔太合理, 第2點就同CHING講既有D出入, 第3點就魚與熊掌既問題,
RQI BEFORE TAX 可以去到成8,9% 息, VNQ 得3%, 真係R痕都唔夠,
如果為左穩定收息, scarify 多少少MAN FEE 係在所難免
KANO：
其實由當事人發文，Kano 當日於 三個不同的投資谷中發表了看法。
所以只引用當時的對話。
三田：
雖然我無RQI，但睇完成篇文似抬高VNQ 踩低 RQI，
只係話Leverage高，收費高，熊市時好波動，回報比VNQ低，無咩太深入分析
KANO：
熊市波動係真，因為leverage 左 1.25, 而VNQ 沒有額外的槓桿，跌市一定會有影響
但對於一個投資者而言，即係有特價時段入貨，呢件係好事定壞事？
（如果按比例計算抗跌能力，你會找到多一個買入RQI 的原因）
其實從基金管理費上，RQI 的費用在CEF 中只是「中等」，或是「中等偏低」。
雖然費用比VNQ 貴，但扣除費用後的回報，連續十多年也比VNQ 高，這也是事實。
加上不同類別的產品盲目比較費用也是不公平的事。
被動型ETF 會費用低
主動型ETF 會費用高一點
CEF 更因為結構較古老的緣故，費用更高一點
當然OEF 費用會更高上一籌
其實，萬惡的MPF 某程度上也是OEF的一種。
關於管理費一事
正如城中熱話 - ARK 系列，其管理費為 0.75%，長期年回報為2X%，
但你會因為其費用，而不會研究它嗎？
如果再簡單少少，筆者的Logic 為：
- 簡單少少講，RQI 近十年 年年勁過VNQ， 08 年出過事，而家好健全，唔會再出事，
但係拉埋 20 年計，做得比較差，叫你地唔好買。Done ！
- 係換埋管理模式 同 風險控制，而家勁又點，10 幾年前 出過事，就係差。
這就是 Editor 的 logics
Kano 的睇法？ 這些文章來多一點，好讓RQI 股價急跌，我先買到平貨。
按：
- 第一次抽新股，也是第一次用IB 抽新股，算是零的突破。
9997 康基，應該是一只值得中長線持有的玩具。
- 介紹了朋友進入功課小組，一星期後佢決定開IB，算是引導成功。
很快他便會發現 「吸引的玩具」有如天上繁星，只會苦惱資金不足。
- 一開學，好多野做，無心情寫文，日日見到數簿做功課，Kano 表示 「提子🍇！！！」
- 點解會有人認為我只懂港股？
真係唔明
港股係我研究最多，也是唯一輸錢的市場
結論 ： 『港女真係唔多岩我！』
.jpg_1140x855.jpg)
![五十二年最強英撚🔴⚪⚫]曼聯終極FF轉會新聞暨吹水區[360] | LIHKG 討論區](https://img.eservice-hk.net/upload/2017/12/03/092709_d0b3244693f743a542dc6a84b8f5ae22.jpg)
