隨筆手稿： 是收割了嗎？

 隨筆手稿： 是收割了嗎？

琴日有谷友分享： 

無錯，

為左面對現實上營運的困難，AMC 決定增發股票，當日股價下跌 37%。

對於當事人自是感到意外，或是感到被人「收割」。

只是身為事外人自然能理性思考一件事。

「當一間公司出現營運困難，

便需要使用融資手段，

即會係發行 股本融資 或者 債券融資

而在宏觀處於高利率年代，

企業股價又因為早年的GME 事件而被高估。

俾你做老細，

你會 發行 股票 定係 債券？」

當你思考到這件事，自然會回答 「當然是發行股票」。

的確，如果我地睇耐少少，便會發現AMC 經多次發行股票來換取資金。

所以個老細係理性而醒目，成個事情唔係「收割」

而係明顯見到股價出現被高估，然之後利用股權去融資。

係一個好正常的商業行為。

對於點樣去救朋友。。。。。

我只會講

睇吓佢仲係唔係咁鍾意賭錢

「鍾意賭錢嘅人點都叫唔醒」

最簡單直接： 

「你問佢玩咗咁多年，平均回報幾多，用咗幾多時間去研究」

經驗講俾我知，

- 「呢一種賭仔，大部份都係用多時間去聽消息，但係回報麻麻哋」

當做投資決策時，

我地只可根據手上的資料作出推算，放棄無謂的猜測。

也就是「盡早離開賭仔心態」，

如果佢真係聽唔明，仲有幾招。

- 1. 「你俾佢睇你的回報，穩穩定定數錢🤌，問佢想唔想唔要」 

- 2. 「叫佢睇 Kano & 數簿Blog」

- 3. 「買本 動態現金流 俾佢睇，等佢諗通」

按： 

身為一個有追蹤 US：EPR 的投資者，

自然會對其主要租客AMC 的操作略知一二。

對於AMC 於高息年代，主動增發股票換取現金交租一事，

我表示「做得好」！

我等緊EPR 再一次進入射程。

（次次主要租客出現麻煩，EPR 股價都會下跌，當租客印好股票，EPR 股價就會回彈。）

（但係我想講，就算租客印唔到股票，最後破產，EPR 都會收到大部分的租金。）

好了，

寫到最尾問多一個問題，

AMC 帳面上仍有 幾十億債，

請問佢會有咩方法去處理 ? 

- A。「繼續印股票」

- B。「發行高息新債還低息舊債」

- C。「祈禱更多人入戲院睇戲」

- D。「其他選擇」 

望住Note入面三百幾篇手稿，真係想訓覺。