隨筆手稿：我一定會回來的
難得的一個下午，一個人靜靜做研究
剛剛意識到，現在是一個值得寫文記錄的時間
今年幸運地吃中了 韓國及記憶體 （不小心放走了MRVL，不然回報會更亮麗）
果然自己做的功課先會有信心。
從2019 年到現在 2026 資產成功上了30倍。
是一個我事前從沒有想過的事情。
多謝戰友之間的陪同，
沒有你們，我不可能走到這個地步。
2026年6月19日 星期五
2024年7月22日 星期一
問書時間： 好耐無寫La
問書時間： 好耐無寫La
Question 1:
- 「Bond＋Reit」只是招式，那並不是重點，重點是在於心法，睇得明 「現金流為王2」 就得。
- 至於計數方式方面，可去數B度搵，早期佢寫過文，出過 Progam 去計數，或者睇返 「現金流去槓桿 及資本性去槓桿」篇文，我好簡單地表達個意思，你應該明。
- [ 同埋槓桿是為了去槓桿, 即係當資產有返咁上下, 就唔再margin ]
- 按我的理解係指 槓桿是為了加快累積資產，但是槓桿不可長開，只有把槓桿減去，先會安全。
- 所以 「今日的槓桿」 是為了「明天的去槓桿」，而為了有系統的去槓桿，只有「現金流去槓桿」，並非 「資本性去槓桿」。
- 「而kano本書講個經濟4cycle , 請問早排係高息, 就一早收晒桿? 」
- 早排高息，
- 就係由「低息進入高息」個時 經收哂槓桿
- 「當去到高息後」就開浮息債去套息
- 「再去預期減息」，就開 「長債反食Duration」 及 「買入Reset 債」 來套利。
- 下一步，自然是進一次進入低息環境。
- （這正是 「多元而動態的現金流」 的本意）
- （之前有一堆資深投資者睇完我本書，就講： 即係叫人槓桿。我對佢地失望到一個點。）
- 「都係由得現金流的各項野收息再買資產?
- 返到去最基本，投資就係為了 「累積資產」，只要你有足夠的資產（數量）及買對資產（質素）就會自動達標，完成任務。
- 你的財商會反映你的認知，也是你「累積資產」的關鍵
- 其中一種認知，便是「資本操作」
- 投資就係買企業，當然要諗埋佢的經營情況，會影響 現金流的增加快慢。
- 只要你知道 「買岩的野」，其他的就是Noise，當然我們都可以利用Noise 來低位抄貨。
- 識得諗的話，港股弱先係對我方有利 （＝。＝ ＋）
（我地可以勁平甘去買靚野，勁易就Set 好個 基本盤，而家係五六年來最易財自的時機。）
2024年7月13日 星期六
隨筆手稿： 時間的塵埃
隨筆手稿： 時間的塵埃
曾經我花了無數的時間於「Blog」這個地方，
記錄初出茅廬時的心景，
本來不成熟的思維，
漸漸轉化，
成為一種「老派投資者的個性」。
前幾天見到眾多Blogger 寫半年結，
方發現經2024 年中，
亦是再多過3個月便是個人學習投資的五年。
找回2019年時寫下的計劃，
當時現實上的種種不如意，
令我開始思考人生的意義，
人確是不應該「工作一輩子」。
（近年最有共鳴的人）
結果五年不到，
卻達成了十年的目標，事情就是如此奇妙。
對了，
我的資產過了十倍。
（過了這個數最大的想法：心不要雄，要搵慢錢，不要心急。）
（投資本身就係反人性，次次過十倍就會心雄，跟手就會出事。）
「十倍股難得，十倍資產易求，人生從來不需要十倍股。」
「與其追求十倍股，不如追求十倍資產。」
2023年8月16日 星期三
隨筆手稿： 是收割了嗎？
隨筆手稿： 是收割了嗎？
琴日有谷友分享：
無錯，
為左面對現實上營運的困難，AMC 決定增發股票，當日股價下跌 37%。
對於當事人自是感到意外，或是感到被人「收割」。
只是身為事外人自然能理性思考一件事。
「當一間公司出現營運困難，
便需要使用融資手段，
即會係發行 股本融資 或者 債券融資
而在宏觀處於高利率年代，
企業股價又因為早年的GME 事件而被高估。
俾你做老細，
你會 發行 股票 定係 債券？」
當你思考到這件事，自然會回答 「當然是發行股票」。
的確，如果我地睇耐少少，便會發現AMC 經多次發行股票來換取資金。
所以個老細係理性而醒目，成個事情唔係「收割」
而係明顯見到股價出現被高估，然之後利用股權去融資。
係一個好正常的商業行為。
2023年8月3日 星期四
月經文 ： 我迷失在這場強積金遊戲
月經文 ： 我迷失在這場強積金遊戲
- 大部分的香港人都要玩強積金這個遊戲。
- 時不時都有谷友問，一次過寫低常見的問題，歡迎轉發給需要的朋友。
常見問題一）
買咩好，點樣買。
在個人的投資哲學中，不同類型投資物在不同的時間維度間呈現不同的風險。
比如說：在短期而言，股票的風險十分高，但在長期而言，股票的風險卻是十分低。
在短期而言，現金的風險十分低，但在長期而言，現金的風險卻是十分高。
所以，在個人的層面「長期持有股票，直到退休前幾年轉成保守型。」
最重要是：
- 選擇具長期成長的地方
- 盡量選擇費用較低的類型
當一個投資行為是長達 20年或是30年，長期的重要性會遠遠地被放大。
短期的表現並不是考慮的重點。
（考慮到高昂的管理費及不能自主地選擇債券，所以不考慮任何的債劵基金。）
2023年7月11日 星期二
隨筆手稿： 寫Blog 的苦與笑
隨筆手稿： 寫Blog 的苦與笑
早前有一段時間無係Blog 寫野，
主要係股市下跌，有投資者走來投訴，搞到部分幾年前的文被下架。
無錯，
就係2022-2023 年股市下跌，走去投訴 2020年的文。
Blogger團隊竟然批左。
2023年7月9日 星期日
Q2 2023 （第十五季季結 - 13F）- 似暖還寒的當下
Q2 2023 （第十五季季結 - 13F）- 似暖還寒的當下
整個2023 年上半年公務多得要命的，
同時身體健康真係麻麻地。
拖下拖下就發現書債及文債累積到山甘高。
（Q1 2023 季結直頭無寫到 😂😂）
（上一次經是 Q4 2022 季結）
講起成個上半年，
（係，明明上半年甘多野發生，但我只係醒起尼幾樣野。）
- 正如前文所就說 「SVB等問題」真的只是個別銀行胡亂操作所，根本是上天跌下的機會。
- AI 浪潮則是意想未到的事情，錯手把半導體周期縮短，提早進入另一部分。
- 也是Q2 NQ大幅抽升，做成歷來最好的上半年主因。
- 對於AI，AI 不是今天方出現，而現在的估值是有點虛高的。
- 當然，估值虛高也不一定指「很快會回落」，也許會跟 利率一樣 「Higher for Longer」-日元持續的眨值及寬鬆政策的持續，做成種種的機會，不管是旅行或是投資上。
- 主力 「新創建 659」被周大福提出收購，我趁機會沽出了， 手上突然多了一堆子彈，
將會趁機再次打出。
- 由2019 到 2023 年，收了快四年股息，股價上亦獲利離開，算是不錯的結局。
- 再見了「鄭家系最抵玩的企業」。
2023年4月22日 星期六
書單 – Y2023
書單 – Y2023
事關前幾日，有谷友講到
- 「自己唔再信出面（財演）所謂價值投資同基本面分析既主因。」
- 「因為次次都係遍地地雷。」
（睇書改變命運，無事多讀書。）
其實，價值技資係真的。
識價投真係好有用，只係價投門檻唔低，要時間同心機去學。
講真出面（財演）有幾個多人係識價投？
有陣時仲會聽到：
- 「我基本分析 技術分析 一齊用，基本分析為主，技術分析為輔。」
每一次聽到我會笑出來，因為 基本分析 同 技術分析 有好多位 係 「水火不容」，要專精一個都好難，
仲要兩隻同時專精，再融匯貫通，簡直係 「神人」。
[ You Know What I Mean ]
利申：
本人是現金流投資者，價值投資的學徒，金融市場的一介偽文青。
唔相信任何技術分析或加密貨幣。
雖然唔係咩會計師、精算師、金融分析師、經濟分析師等專業人士
但係自問投資成績見得下人啦。
仲記得大約係2020年個時，真係一日睇 3-4份財報，幾份Paper，無野做就睇書，睇睇下就明左個行業。
下面會係我的書單，
最少都係我睇過的書，我覺得有一定的價值先會放係度。
對於投資，我覺得心態行先，
當心態做好左，投資就唔會太差，再之後就係點樣去再進一步。
所以，我會睇好多大道理及歷史的書。
書名後面係友台：
數簿嘅專屬Readmoo 推書link
數簿係推動電子閱讀大隊長。
當然唔一定要用 Readmoo 睇, 圖書館又得, Google book又得，總之就好好學習,
- （本人喜歡實體書，所有的推書Link 交俾友台數簿。）
- （你拎Link入去買，數簿會收到TWD $3，支持數仔，你我齊做。)
- （我覺得有一日我都會買電子閱讀器）
- 投資心態系列：
初級：- 只供新手中的新手
1. 「我的職業是股東」- 「初階中的初階」
- 如果你是投資完全新手，面對市場不斷波動而有情緒時，睇佢就岩。
- 安撫你的心靈。
投資心態進階：
2. 「巴菲特寫給股東的信」- 「進階」 http://moo.im/a/pxyBJM
- 當你有一定經歷後，會發現外界對巴菲特的認知是表面及存在誤解。
- 當你誠實面對自己，當你誠實面對合夥人，就會進步。
- 其中一本令本人開竅的書籍。
3. 「波克學大學」- 「初階 」
- 如果你睇唔明「巴菲特寫給股東的信」，十之八九係你唔明個時代背景，甘你就要睇埋尼本，尼本書係連埋時代背景俾埋你。
- 就好似咖啡係好飲，但唔係個個都飲到，部份人係要加奶先入到口。
4. 「巴菲特勝劵在握的12個原則」- 「進階」
- 如果「巴菲特寫給股東的信」係咖啡、「波克學大學」係奶、「巴菲特勝劵在握的12個原則」就係糖，更加淺白地去講股神的打法。
- 睇唔明「巴菲特寫給股東的信」時可考慮睇埋尼本。
現金流系列：
5. 「富爸爸，窮爸爸」- 「初階 - 進階」 https://moo.im/a/bdnpsC
- 一代傳奇書籍，流傳最廣、也是最被誤解的書籍。
- 好多時，街外的YouTuber 都講過，但我並唔建議你聽完就算。
- 因為佢的內容遠遠不止如此，當你有一定的投資經歷時，解鎖更深的層次。
- 其中一本令本人開竅的書籍。
6. 「現金流為王系列 」- 「進階」 http://starnman84.blogspot.com/
- 必睇的書籍系列，不點也不離地的打法，是把「富爸爸，窮爸爸」的內容「具體化」的書籍。
- 街外人往往認為是「Bond ＋ REIT」，然後無腦照抄，但係佢係「心法書」，特別是第2本值得你一再翻閱、領悟。
- 其中一本令本人開竅的書籍。
7. 「懶系投資法系列」- 「初階」
- 本為債劵投資達人，學習投資債劵前必睇。
8. 「動態現金流」- 「初階 - 進階」
- 本人掘作，一名散戶的成長故事，完。
- 我都唔知點介紹。（面都紅埋）
- 估值書:
「為什麼現金比獲利更重要？」- 「初階 - 進階」 http://moo.im/a/1lzCTV
- 有別於PE、PB、PS等方法，單純用現金流的視覺去解構一間企業
- 我始終相信現金流先係企業最為重要的事情
關於風險
9. 「投資最重要的事」- 「進階」 http://moo.im/a/23ahrz
- From 傳奇投資者 Howard Marks。
- 當你大敗之時，要去睇的書。
- 係風險講幾多都無用，你未輸過根本唔會明。
- 其中一本令本人開竅的書籍。
10 . 「掌握市場週期」- 「進階」 https://moo.im/a/epszHY
- From 傳奇投資者 Howard Marks
- 很抱歉的，我仲未睇完。
11. 「下重注的本事」「初階」
- From 傳奇投資者 Mohnish Pabrai。
- 講的係，「低風險、高回報」的打法。
- 但係你一定要明「低風險的意思」，當你有一日明左「投資最重要的事」，你再睇尼本書就會明。
操盤及行業系列： 「初階 - 進階」
12. 「One Up On Wall Street - Peter Lynch」
13. 「Beating the Street - Peter Lynch」
- From 傳奇投資者 Peter Lynch
- 適合所有初學及進階投資者
- 深入淺出去講唔同行業，時不時都會拎出翻閱。
- 其中一本令本人開竅的書籍。
（有心人會發現 動態現金流 入面對Peter Lynch的致敬）
選修系列：
- 14. 行業及會計知識應用系列: 「初階 - 進階」
- 15. 「財報就像一本故事書」 http://moo.im/a/26hpqF
- 16.「財報就像一本兵法書」 http://moo.im/a/35fuKR
- 17.「大會計師教你從財報數字看懂產業質」 http://moo.im/a/67fmEK
- 18. 「大會計師教你從財報數字看懂經營本質」 http://moo.im/a/6kzJST
（睇 大會計師及財報書系列 前 請確保你有 最基本的會計底子 ）
金融史 - 「初階，兩本都好厚」
- 19. 「偉大的貪婪 – 金融強權華爾街崛起的大歷史」
- 用小說的手法去講華爾街400年來的歷史。
- 見盡人性的貪婪及軟弱。
- 其中一本令本人開竅的書籍。
- 20.「瘋狂、恐慌與崩盤 – 一部投資人必讀的金融崩盤史」
- 用個案形式去講金融市場崩盤。
- 岩岩睇無耐，叫做幾好味。
估值系列： - 「進階至高階」
21, 「當代財經大師的估值課」 http://moo.im/a/4bkAMQ
22. 「為故事估值」 http://moo.im/a/2nwBNY
23,.「打破選股迷思的獲利心法」 http://moo.im/a/9abcln
-三本都係From 估值教授 – 印度佬，有點難入口，係好基本功先睇佢。
商業思維： 「高階」
24. 商戰道 – 企業收購戰解碼
- 有點難買，有幸在誠品買到的進階書，會一直燒腦的書。
- 沒有會計、沒有金融底子者不宜服用。
- 其實這本是來自 Starman 的書單。
投資心態書:
25. 「複利的喜悅」- 「初階 – 進階」 https://moo.im/a/irxyGR
26. 「窮查理的普通常識」 http://moo.im/a/35CIRU
- 窮查理的普通常識，無錯，就係講常識。
- 可惜的係，我個人的感受唔叫好深，睇來係「我未睇得明」。
經濟系列:
27. 「漫畫經濟學一看就懂」- 「初階」 https://moo.im/a/almnvz
- 本人大力推介，適合所有沒有念過經濟學的人。
- 或者，你睇過經濟而唔明經濟的人。
- 其中一本令本人開竅的書籍。
28. 「赤字迷思」- 「進階」
- 如果你想學多點貨幣學，就來一本吧。
- 街外好多人會講：「美國的債務太多會破產」、「美元的末日到了」，睇完你會想笑佢地。
- 本人為MMT信徒
其他:
29.「護城河投資優勢：巴菲特獲利的唯一法則」- 「進階」
- 如果你有日睇唔開，決定去學價值投資，你唔該睇左佢。
- 信我la，出面好多人都講「護城河」，但係唔會夠尼本深入及具體。
- 其中一本令本人開竅的書籍。
30.「價值解密 – 透視企業的核心價值」- 「初階 - 進階」
- 如果你手持財報，但係資料太多，無從入手，唔知邊度睇起，你就要睇睇佢，睇下一個金融業行內人係點去睇睇報。
- 戰友的書，無理由唔推介。
- 31. 「戒窮 – 但願30前建立你的收支組合」- 「初階」
- 以一個初學者方向，用貼地的文字去講「遠離貧窮」
- 如果你都係公屋仔出身，無父幹，我幾建議你睇
- 係年代久遠，加上產量不多，有點難搵。
- 其實，我係窮一生愛情文的讀者。
2023年3月13日 星期一
有谷友問及 「Svb 事件發酵中，我的睇法同操作？」
有谷友問及 「Svb 事件發酵中，我的睇法同操作？」
SVB 係一間中型銀行，係短短48小時內就玩完。
出面有一堆 磚家 講左充滿創意的想法。
- 「係陰謀論，係Fed 令到SVB玩完，Fed要負上責任。」
- 「係Fed藉SVB玩完，令Fed有理由去減息。」
- 「流動性危機來了，雷曼2.0 到了，美國要收割全世界。」
- 「SUV的國債唔安全，要持有Stable Coin先安全，加密貨幣的時代來了。」
對於上面充滿創意的想法，我只有表示「我無補充，我唔係一個有創意的人」。
對於SVB，我個人認為是「單一事件，而不是一個系統性的問題。」
要專業的出面大把（可去友台睇專業級分析）
Kano就係會用人話解釋：
- 1. 企業業務先天性有弱點
- 2. 企業業務上自行集中風險
- 3. 企業操作就係好奇怪及不合理
- 4. 係2022-2023後面處理上不足
- 結果：四樣野合埋一齊爆咗出嚟，根本係管理層問題
關於1& 2
- 銀行需要面對擠提風險，所以必時備有充足的流動性
- SVB主力做初創企業的業務（即係實力較弱的公司）
背景是SVB於2020-2021年零息時代，由於零息的因素，眾多企業的估值大幅提升，
其中最為跨張的便是初創企業，它們融資無往面不利，當它們有錢之後，部分的錢便會放在銀行當中。
當時銀行取得存款（Liability in Nature）便需要泊錢。
當時處於零息年代加上息差極低，為左維持息差，SVB沒有買入國債或是企業債，反而轉入當時收益較高，但是流動性及質素差的MBS。 （有關MBS，可返去爬文。）
更為要命的是，SVB買的是「長年期」、「流動性差」的MBS。
- 上面每一個也刻印
- 「我對利率敏感」
- 「我有CashFlow Mismatch的風險」
而當時間去到2022，Fed 開哂口講會加息，連街邊的師奶都知Fed會加息。
但係SVB 不為所動，沒有對調整組合配置，也沒有對沖利率風險。
而在會計方面，SVB是用Hold to Mature 的形式處理。
當利率抽升，資產淨值大幅下降時，財報上仍是用成本價入帳，無法顯示其潛在的風險。
問題係去到2023 年，人類經歷了40年來最快的加息步伐，利率本是價值的引力，當利率上升時，當其他事物不變，股價自然是下跌。
這對初創企業來說無疑是一場惡夢，無法從股權融資中取得資金，發債成本亦不斷升高，不少企業本身仍處於「燒錢發夢階段」。結果便是更傾向於取用現金。
SVB 面對提用的需求便會上升。
按理說這是銀行普遍的情況，問題便是早年買下的MBS債價一早便「腰斬再腰斬」。
當所有流動性良好的資產賣掉後，便逼得賣掉MBS來換錢，轉手俾客人。
- 即係「焗住喺低位斬倉。」
這便做成了上星期「突然出現巨額損失，然後需要發股票融資」。
當消息一流出，客戶對銀行便失去信心，立即跑去銀行提款。
當所有客人跑去提款時，這便是一場「信心危機」，所以銀行也會關門大吉。
所以，我個人認為上述係「管理層的問題」，而不是「Fed的陰謀」。
一般來說，銀行會持有
- 年份平均的資產
- 流動性良好的國債或是企業債
- 提早做好風險對沖
（連我尼個老散都知個時要玩 短債同浮息債。）
（至少我係 動態現金流 入面有提過尼件事。🙉🙉）
所以，SVB 呢個操作真係自殺，可寫入教科書。
（當然我不排除還有其他銀行也有個差勁的CFO。）
（聽說，Kano 是一個燈神。）
訂閱：
文章 (Atom)
-
體檢報告（八）： 回應May Ng的信 - 債券收息可行嗎？（下） 這是自 上文的續集 ，也是針對整體組合而定的建議。 May Ng: 你好 Kano 兄，先感謝你的回覆，真的不好意思，這幾天忙着工作的麻煩事，未能即時回你及多謝你。 雖然我和老公都未屆退休年齡，但這些年工...
-
小前言： Kano 喜愛CEF （Closed End Fund）是有道理的。 先說優點： - 月月收息 - 自動分散風險 - 投資彈性充足 - 內建槓桿功能 要說缺點： - 沒有到期日，有可能會出現Capital Loss ...
-
CA: Split Share Funds (SSF) 股票分置基金 - 加拿大的地方特產 類固定收益資產一直是個非常小眾的投資產品，也於 香港投資者罕有聽到。 繼美國地方特產 - 封閉式基金（CEF）、歐州地方特產 - 封閉式...
