Q4 2022 （第十四季季結 - 13F）- 尚未抵達的地心
由於種種的原因，很久沒有在Blog 寫文。
特別是 只寫月結 沒寫季結下，
更是少了一點總結，也令我反思在Blog 及Patreon 中寫作的內容要如何分配。
在談及這季季結時，不妨睇返上兩季的季結，
由於當初 《動態現金流》的緣故，我把整個Blog 重溫了一篇，
加上每年的霧鎖般的未來系列，我發現Kano是一名燈神，成日都會「開口中」。
- 係 零息時代時擔心高通脹及滯脹
- 係 ARKK 當紅時睇衰 「破壞性創新」
- 係 加密貨幣如日中天時睇衰其價值
- 係 保值方向 睇衰 黃金及貴金屬的投資價值
- 係 四月寫文睇衰聯繫匯率下，香港一定要加息，隨手就樓價破裂
- 係 六月個時提大家小心中概股
- 開口中，真係持續的能源危機
- 開口中，係書入面 質疑 60/40 的打法係現今的投資環境是否可行
- 新一年，你都知，我仲對 Tesla 的投資價值好有保留。
- 即係今年 Tesla 唔見左 差唔多70% ，我都係覺得唔夠。
睇下今年有無心機繼續寫 《霧鎖般的未來》系列。
其實講甘多，唔係因為聰明或者叻（直頭係又笨又慢），只係平時睇唔少的文章，
留意到的範疇多一般人少少 （即係份人好八掛。）
而現實講，我感覺自己的投資技術有點退步：
1. - 大約是近一年往往只看YouTube 的資訊，沒有靜下來讀經典書籍，
當知識是流於影片的單方面傳授，而不是文本中反覆思量，果然是吸收唔到。
（今個聖誕假自動自覺閉關睇書，增進知識。）
2.- 因為寫《動態現金流》，一口氣把七成左右的功力寫左出來，風兄有一句說話好好，
大意係寫作是一個反覆思考及倒空自我的過程，
為了持續的寫作，必須要不停地進食、消化，如果唔係，好快會無貨。
3. - 而我的公務就係食哂所有時間，一放工就係一條死屍。
4. - S 及 柏檔 今年亦離開香港，一次過少左兩個交心的朋友，成個人都無精神。
5. - 今年繼續俾人持續狙擊，下下都要收律師信，講真，真係幾麻煩。
（不過，我仲未收到律師信。）
Anyway，
我都知今年投資唔易，
只係投資只係生活中的其中一個部分，
人無事，
先至可以拎第一。
最緊要身心健康。
關於今年的大事，
我諗睇下 美投 、小Lin 、股乾 就夠了。
年度回報指標
2800： YTD - 14.87%
SPY ： YTD - 19.95%
QQQ： YTD - 33.71%
VT ： YTD - 20.23%
ARKK： YTD - 67.79%
供樓養家倉：
YTD - 低單位數。
於年初去槓桿及抽出相當的資金跟朋友一同買債。
現時大約資產的 1/3 也在債券上。
（這也是我無法精準計算數字的原因）
加上重倉傳統能源，是今年最大的Beat。
（供樓養家倉持有一定的科技股，所以跌幅較大。）
家母沉船倉：
YTD: + 4.45%
就是「超重倉能源」，當然能源在年底大幅回檔，令回報大幅下降，這是我意想不到的。
但總括來說，
能打敗大市就是很不錯了。
柏檔懶人倉
某日，柏檔表示今年好難玩，帳面只係升左幾萬蚊。
（Kano 心諗，今年全球平均跌 20%，你今年拎左來買機票，仲要正數，簡直係執到。）
寫住甘多先，
係2022 甘難玩的大市，
三隻倉都打敗大市，
算係收工收貨。
（第三年打敗大市，Yeah ！！！）
（其實最開心係今年有唔少抄底機會，今年股數增加左唔少，尼個先係最大的收獲。）
尼D野真係唔岩我，
我都係一個比較慢的人，
只係識搵慢慢來的錢。
過幾日寫埋下半部。
強👍，師兄，祝新一年一切順利。
回覆刪除大家甘話。
刪除